VILAGARCÍA> O Real Club de Regatas Galicia, organiza o I Open Nacional de Clase Snipe. A élite mundial darase cita en Vilagarcía os vindeiros días 24 e 25 de abril nesta proba que se celebrará nas inmediacións do Centro de Tecnificación de vela. O evento foi presentado esta mañá.
{flowplayer}images/salnes/Snipe_140410.flv{/flowplayer}
O I Open Nacional de Snipe chegará a Vilagarcía de Arousa os vindeiros días 24 e 25 de abril. Baixo a organización do Real Club de Regatas Galicia, trátase dun evento de marcado carácter internacional no que se darán cita 72 destacados regatistas de todo o mundo, un cartel do que poucas probas poden presumir.
Entre os regatistas máis destacados estarán o campión de España e subcampión do mundo, Gustavo del Castillo, o portugués Tiago Roquette, 11 veces campión do seu país, o estadounidense Ernesto Rodríguez, bronce no mundial, e outros nomes como Aureliano Negrín ou o brasileiro Rafael Gagliotti. Todo un espectáculo o que se poderá presenciar na Ría de Arousa.
Ó acto celebrado esta mañá acudiron numerosas autoridades como a alcadesa Dolores García, o Presidente da Autoridade Portuaria, Javier Puertas, ou o Vicepresidente da Deputación de Pontevedra, José Juan Durán. Todos eles amosáronse moi satisfeitos por colaborar na organización deste Open Nacional de Snipe que fará que Vilagarcía sexa por uns días o centro das miradas do mundo da vela.
Redacción Salnés
