POBRA> A fin de semana festiva deixou na Pobra un sabor agridoce polas liortas acontecidas durante a movida nocturna.
{flowplayer}barbanza/xogodabola.flv{/flowplayer}
Aínda que rexeitan falar diante das cámaras, fóra delas son moitos os veciños que din estar fartos. Dende que unha discoteca reabriu as súas portas, a zona de Xogo da Bola, ata o de agora moi tranquila, tornouse nun lugar no que non é doado vivir, especialmente durante as noites da fin de semana.
Ós ruídos procedentes da discoteca hai que engadir ós problemas xerados polos grupos de mozos que se reúnen nas inmediacións para facer botellón. Escándalo, suciedade e inseguridade é o que denuncian os veciños. Precisamente a inseguridade vén derivada dos conflitos entre mozos que este sábado protagonizaron unha multitudinaria liorta na que tiveron que intervir varias dotacións da Policía Local e a Garda Civil.
Cumprimento da normativa
Dende o concello, son conscientes dos problemas que xera a apertura dun establecemento destas características polo que instarán ós seus propietarios a cumrpir exclusivamente coa normativa.
Isaac Maceiras entende que poden producirse este tipo de altercados especiamente en días de festa nos que se concentra maior número de xente nas zonas de movida. Sen embargo insiste en que se trata de feitos illados que non poden manchar a imaxe dun pobo tranquilo e pacífico como A Pobra.
Redacción Barbanza
