RIBADUMIA> A alcaldesa inaugura o Fogar de Maiores, a nova Biblioteca e unha Aula de Informática na Casa de Cultura.
{flowplayer}images/salnes/casa_cultura_ribadumia.flv{/flowplayer}
Onte foi un gran día para o goberno local, que cumpriu así un dos seus obxectivos. Xa están inaugurados. O novo fogar de Maiores, a biblioteca e a Aula de informática.
A Casa de Cultura de Ribadumia, un estupendo edificio que conta con suficientes instalacións como para engadir estes novos servizos, acolle dende onte estas tres novas alternativas de ocio, cultura e benestar social.
Para o goberno local é unha grande satisfacción poder contar con tres novas opcións para os veciños e veciñas que podan beneficiarse delas. Garantir a atención social, cultural e educativa no concello, é un dos grandes obxectivos da alcaldesa Salomé Peña e o seu equipo de goberno.
O Fogar de Maiores créase como un centro de convivencia para que as persoas maiores que están soas na casa, case durante todo o día, dispoñan dun lugar de encontro, lecer e participación en actividades que ocupen o seu tempo libre, na compaña doutros veciños de Ribadumia en similar situación, cuns intereses comúns ou tempo dispoñible para compartir cos veciños e veciñas.
A biblioteca municipal e a Aula de Informática destinaranse a tódolos veciños e veciñas do concello, neste caso, sen límite de idade. Trátase de dar resposta ás peticións veciñais e cubrir as necesidades culturais e educativas dos miles de censados no concello.
A alcaldesa e representantes do goberno local, inauguraron polo tanto, ledos e moi orgullosos estas tres novas disposicións da Casa de Cultura de Ribadumia.
Redacción Salnés
