CATOIRA> A estrutura do inmoble quedou practicamente inservible pero por sorte, só había no interior da casa unha persoa que apenas sufriu danos.
{flowplayer}images/salnes/ExplosionCasaCatoira.flv{/flowplayer}
O home de 66 anos de idade, atopábase no momento da explosión separado unicamente por unha parede segundo comentaron os veciños que foron os primeiros en chegar. Estaba asustado e algo aturdido polo acontecido pero sen danos de consideración.
Ata o lugar desprazouse unha unidade do 061 que o trasladou ó centro sanitario por precaución. Tamén se mobilizou Protección Civil e os Bombeiros do Salnés.
Dous dos fogóns da cociña estaban prendidos cando se produciu o escape de gas que provocou a deflagración, dende Protección Civil recordan que hai que ter moito coidado co gas.
Debido ós importantes danos na estrutura a casa segue precintada.
Redacción Salnés
