VILANOVA> Deixarase de celebrar na década dos 50. Da man da comisión de festas de Santa Marta recupérase esta tradición.
{flowplayer}images/salnes/PreviaMercadoPontearnelas_261112.flv{/flowplayer}
Da man da Mancomunidade do Salnés, dos concellos de Vilanova, Ribadumia e Meis e da comisión de festas de Santa Marta, Pontearnelas volverá a ter o seu mercado. O domingo 2 recupérase esta tradiocional feira que volve coa idea de permanecer o maior tempo posible.
Este primeiro domingo o mercado colocarase da ponte dos Padriños cara a gasolinera, se ben a partir do día 16 prolongarano ata a beira da ponte que pertence a Ribadumia. O mercado repetirase cada quince días, o primeiro e o terceiro domingo de cada mes. Ata o momento hai máis de 40 postos reservados xa.
A recadación pola ocupación do terreo, que se cobrará a 1,50 euros por metro lineal, irá a parar a mans da comsión de festas de Santa Marta, que con eses cartos sufragará os festexos. Membros deste colectivo, reuníronse esta mañá co alcalde Gonzalo Durán para ultimar detalles de cara a este domingo, unha data histórica na que se recupera un dos mercados de maior tradición de cantos existen no Salnés.
Redacción Salnés
