{flowplayer}images/salnes/CHARLA_HOSPITAL.flv{/flowplayer}
Informar ós pacientes do contido da coñecida como Estratexia Sergas 2014, foi o obxectivo da charla que se celebrou onte no Centro Social de Barrantes, en Ribadumia. O acto de portas abertas estivo dirixido pola médico do Hospital do Salnés e adxunta á Dirección, Beatriz Piñeiro, que informou ós asistentes desta iniciativa. Segundo Piñeiro, a Estratexia Sergas 2014 propugna a potenciación da sanidade pública ó servizo do paciente, e foi elaborada tendo en conta o paciente como centro do sistema, o recoñecemento e potenciación do valor dos profesionais, o papel da innovación e da nova ciencia, e o compromiso co desenvolvemento económico e social de Galicia.
A charla de onte estivo incluída nun ciclo que o Hospital do Salnés continuará ó longo dos meses de xaneiro e febreiro, noutras localidades da comarca, como Vilagarcía, Vilanova, A Illa e Catoira, ás que poderán asistir todos os veciños ou colectivos interesados.
Redacción Salnés