PORTO DO SON> A Dirección Xeral de Patrimonio comprometeuse a iniciar os trámites para a Declaración de Ben de Interese Cultural do Castro de Baroña.
{flowplayer}barbanza/demoraconservacioncastrobarona.flv{/flowplayer}
A falla de interese da administración está a provocar que o Castro de Baroña, un dos vestixios celtas máis representativos de toda Galicia, siga a deteriorarse. Así o constatou o alcalde de Porto do Son na xuntanza mantida esta semana co director xeral de Patrimonio na que lle comunicou que a falla de fondos facía inviable levar a cabo o Plan Especial do Castro, aprobado polo pleno en novembro do pasado ano..
Declaración BIC
A solución pasaría agora pola declaración de Ben de Interese Cultural que supón a máxima figura de protección que contempla a lei, posibilitando a consecución de subvencións que permitan a conservación do xacemento, actuando principalmente nas seis áreas críticas en risco de perda irreversible.
Malia que no último ano, a Dirección Xeral de Patrimonio non ten avanzado no proceso, o alcalde confía no compromiso adquirido polo titular do departamento de iniciar canto antes os trámites para a incoación do expediente. O prazo para a declaración de BIC será de vinte meses como máximo, segundo establece a lei.
Redacción Barbanza
