RIBADUMIA> Alfonso Rueda visitou o Consorcio de Bombeiros do Salnés. Fíxoo despois de que onte a Xunta aprobara O consorcio provincial de Pontevedra.
{flowplayer}images/salnes/ConsorcioBombeiros.flv{/flowplayer}
Alfonso Rueda visitou esta mañá o Consorcio de Bombeiros do Salnés acompañado do Presidente da Deputación, Rafael Louzán e dos alcaldes dos concellos da zona.
Tanto Rueda como Louzán quixeron destacar a importancia da colaboración entre administracións para levar a cabo proxectos coma este, que permitirá poñer en marcha o primeiro consorcio de bombeiros provincial en Pontevedra.
O obxectivo deste consorcio é mellorar o servizo que se presta os cidadáns aforrando ademais os costes.
Outro dos campos no que permitirá avanzar a centralización e no da especialización. De maneira que cada un dos parques de bombeiros da provincia profundice nunha área para ofrecer un mellor servizo ós cidadáns.
Este parque do Salnés especializarase nos traballos con cans rastreadores e nos servizos de mergulladores. O do Morrazo farao en rescates en altura e o de Porriño en emerxencias con risco químico.
Pontevedra conta hoxe en día con 5 parques de bombeiros, algo que segundo dixo o conselleiro fai 10 anos semellaba imposible.
Esta centralización permitirá un aforro de entre 80 e 100 mil euros. E porase en marcha de maneira inmediata.
Redacción Salnés