SALNÉS> En ambas localidades arousás, a cifra de participación foi máis alta que en calquera outra edición.
{flowplayer}images/salnes/DESFILES_ENTROIDO.flv{/flowplayer}
Diversión, colorido e moita troula. Isto é sen dúbida o que mellor define os desfiles de carnaval que se celebraron esta tarde na comarca do Salnés.
En Vilagarcía, incluso bateron tódolos récords de participación. Así o informaron desde o concello. Nesta edición, o desfile acolleu máis participantes que calquera outro ano. Charangas, comparsas, grupos ou individuais. Diferentes categorías pero todas cunhas características comúns: o humor, a troula e moita diversión.
Este espectáculo fixo as delicias entre o público que só tiña bos adxectivos para cualificar este desfile que acolleron as rúas vilagarciáns. Moito colorido e bo ritmo.
Comparsas de Vilanova, A Illa ou Sanxenxo desprazáronse ata o Grove para desfilar polo seu Sambódromo particular. Un desfile multitudinario ó que asistiron decenas de persoas. Era tal a calidade dos participantes que o público mesmo dubidaba ó escoller o seu favorito.
A partir das sete e media a praza da Peixería en Vilagarcía, acolleu o tradicional baile de Entroido.
Redacción Salnés
