VILAGARCÍA> Esta actividade enmárcase dentro da semana da arte deseñada polo escola infantil con motivo do remate do curso escolar.
{flowplayer}images/salnes/GARDERIA_ANO_INTERNACIONAL_BOSQUES.flv{/flowplayer}
Os máis de douscentos alumnos cos que conta a Gardería Municipal de Vilagarcía celebraron entre onte e hoxe o Día Internacional dos Bosques coa construción do seu propio mural.
Con motivo do remate do curso escolar, a Gardería Municipal de Vilagarcía organiza diferentes actividades dirixidas ós máis cativos. A semana pasada estivo dedicada ó deporte e esta á arte. Neste contexto, hoxe os alumnos desta escola celebraron o Día Internacional dos Bosques construíndo o seu propio espazo natural.
A través de papeis reciclados e pinturas estes cativos aprenderon a importancia da reciclaxe e da necesidade de coidalo medio ambiente. Aínda que a penas teñen tres anos, eles mesmos nolo contaban.
Tal e coma nos explicou a codirectora do centro, o obxectivo final desta iniciativa é que os nenos aprendan a desenvolvela súa creatividade e imaxinación.
A vindeira semana estará dedicada á música. Entre outros actividades, visitarán o Auditorio e o Conservatorio de Música.
Redacción Salnés