CAMBADOS> A resolución da Xunta concede a categoría de monumento ó pazo, algo que dende o concello se interpreta como unha maior responsabilidade.
{flowplayer}images/salnes/ARAGUNDE_BIC_FEFINANES.flv{/flowplayer}
Onte xa lles adiantabamos que a Consellería de Cultura e Turismo publicara no DOG a incoación do expediente para declarar o Pazo de Fefiñanes de Cambados como ben de interese cultural. Unha decisión que enche de orgullo ó alcalde cambadés, o popular Luis Aragunde.
De completarse o proceso, o Pazo de Fefiñanes conseguiría a mesma figura que hai dez anos se outorgaba ó conxunto histórico cambadés. A resolución concede a categoría de monumento ó pazo, algo que dende o concello se interpreta como unha maior responsabilidade.
Sobre a posible peonalización total desta praza, Aragunde rexeitou polo de momento esta opción. Para o alcalde, Fefiñanes continuará sendo unha zona de tránsito de vehículos nunha única dirección e a un máximo de 30 km/hora, co obxectivo de garantir a convivencia entre peóns e automóbiles.
Despois da publicación no DOG, a Xunta abre un período dun mes para que os que o desexen presenten as súas alegacións contra esta decisión.
Redacción Salnés