GROVE> Este é o obxectivo da II edición do Baby Rock English Summer Camp que se desenvolve desde hoxe no colexio Conmeniño.
{flowplayer}images/salnes/CAMPAMENTO_INGLES_GROVE.flv{/flowplayer}
Hoxe arrancou no colexio Conmeniño do Grove a segunda edición do Baby Rock English Summer Camp. Trátase dun campamento de verán que pretende achegar esta lingua ós máis cativos do municipio a través da diversión e o xogo.
Máis de oitenta rapaces de entre sete e catorce anos participarán este verán neste campamento que se divide en catro bloques: dous de charla e comunicación, un de deporte e outro ó aire libre. Todo por un mesmo obxectivo.
Actividades que, aínda que arrancaron esta mañá, xa deron os seus primeiros froitos. Moitos xa se animaban nada máis comezar a dicir as súas primeiras palabras en inglés.
Ademais de aprender inglés a través dos xogos, este campamento permite ás familias do Grove conciliar a vida laboral e familiar. Por iso, o alcalde asegurou que seguirán traballando para que estas iniciativas teñan prolongación no tempo.
Redacción Salnés
