VILAGARCÍA> Deste xeito, respondeu Tomás Fole ó escrito remitido polos grupos da oposición no que lle demandaban pospoñela data do pleno.
{flowplayer}images/salnes/ORDENANZA_TERRAZAS_27122011.flv{/flowplayer}
Tralo escrito remitido onte polos grupos da oposición ó alcalde de Vilagarcía, polo que lle solicitaban o atraso do pleno extraordinario deste xoves, esta mañá o rexedor local informou que a sesión se vai celebrar en tempo e forma, tal e como estaba previsto. Segundo Tomás Fole, non hai motivo que xustifique o seu atraso.
No propio escrito asinado por BNG, PSOE e EU xustificaban a súa demanda alegando a falta de tempo para estuda toda a documentación. Neste senso, Fole asegurou que contan con toda a información necesaria desde onte. O último documento que lles remitiron foi o relacionado coa ordenanza das terrazas.
As modificacións na ordenanza das terrazas materializáronse, entre outras cousas, na delimitación das diferentes zonas da cidade, na concreción das unidades de superficie, na posibilidade de ter mobiliario no exterior dous meses máis que o permitido ata agora, ou a autorización de proxeccións audiovisuais ó aire libre.
Se tralo período de exposición pública, non hai alegacións, a nova ordenanza das terrazas entrará en vigor, senón terá que levarse de novo a pleno.
Redacción Salnés
