VILAGARCÍA> A Escola Infantil levou os 1.300 euros do galardón. Tamén se concedeu un accésit de 700 ó IES Armando Cotarelo Valledor.
{flowplayer}images/salnes/PREMIO_IGUALDADE_ESCOLA_180612.flv{/flowplayer}
A Escola de Educación Infantil Vagalume, co seu proxecto ‘A Igualdade na Escola é Cousa de Todos’, foi o gañador desta sexta edición do Premio pola Igualdade na Escola, convocado polo Concello de Vilagarcía. Para eles foron os 1.300 euros do primeiro premio, que recoñece as actividades desenvolvidas pola Anpa e o profesorado ó longo do curso cos alumnos de 3 a 5 anos de idade, e que rematou cun festival da Igualdade.
Tamén se concedeu un accésit de 700 euros ó IES Armando Cotarelo Valledor, que desenvolveu actividades en torno á igualdade con tódolos alumnos do centro, en especial o 25 de novembro Día contra a Violencia de Xénero e o 8 de marzo, Día da Muller Traballadora.
A esta sexta edición concorreron cinco proxectos educativos, tanto de centros de educación infantil, de Primaria e Secundaria. Desde a Área de Igualdade da Concellería de Traballo e Benestar destacaron a calidade dos proxectos e asegunda que o premio terá continuidade.
Os centros gañadores dedicarán parte do premio a desenvolver actividades de lecer co alumnado que participou no proxecto, segundo as bases do Premio.
Redacción Salnés
