MEIS> O creador de sombreiros máis recoñecidos internacionalmente, Philip Treacy, e o deseñador de zapatos Manolo Blahnik amosan as súas propostas.
{flowplayer}images/salnes/ManolosNovavila.flv{/flowplayer}
O establecemento enoturístico Novavila vístese esta fin de semana de gala, para recibir á colección do creador de sombreiros Philip Treacy e os manolos máis internacionais, os zapatos que deseña Manolo Blahnik. Ó longo destes tres días todo o que o desexe pode achegarse ata Meis para asistir a un showroom único en España.
Esta empresaria andaluza leva máis dunha década dedicada ó mundo da moda, e neste momento ven de abrir en Sevilla o que é o único establecemento en España no que se poden atopar os tocados e os sombreiros do máis recoñecido creador a nivel internacional.
A elegancia, o colorido e a calidade desta colección son as claves, segundo Reyes Hellín. Pero hai outro elemento tamén importante, non esquecer que o sombreiro é un complemento.
Unha beleza completa que neste caso se ve reforzada co entorno escollido para realizar esta presentación. O establecemento enoturístico Novavila convértese do novo en centro da moda e do glamour da man das mellores marcas a nivel mundial.
A propia Reyes Hellín amosou a súa satisfacción por ter escollido este enclave para facer a presentación, un lugar segundo ela, inmellorable.
Pois así, con esta invitación da empresaria andaluza á que se suma tamén a da dirección deste establecemento enoturísitco recordámoslles este sábado de doce da mañá a nove da noite e o domingo ata as tres, Novavila abre as súas portas para gozar desta colección.
Redacción Salnés
