POIO> Máis de seiscentos rapaces gozaron o pasado curso das distintas modalidades deportivas que ofrece o municipio e dende a Concellería de deporte agardan que esta tempada o número se incremente.
{flowplayer}images/salnes/EscolasDeportivasPoio250912.flv{/flowplayer}
Un programa deportivo o que presenta o Concello de Poio, moi vinculado ó deporte base pero que non quere descoidar a ningún colectivo. Cubrir tódalas parroquias e tódalas idades, este é o obxectivo. Deportes que van dende os máis demandados, coma o fútbol ou a ximnasia rítmica, ata as modalidades máis innovadoras, coma o kayak polo ou o kick boxing. Un dos programas máis destacados dentro da oferta deportiva deste municipio é o que ten que ver co deporte na escola. Unha iniciativa pola que cada centro ofertará distintas actividades de xeito extraescolar
E aínda que os rapaces son o eixo central, o programa deportivo vai máis alá e tanto os adultos como a terceira idade teñen tamén o seu espazo, dende a bailoterapia ata o taichí pasando como non polo pilates.
Así é que hai actividades para tódolos gustos, polo que só falta animarse a probar. O prazo para a inscrición estará aberto ata mediados de outubro.
Redacción Salnés
