RIBADUMIA> Os dous quintos premios repartidos nos últimos tres anos co Gordo, fan que repunten as ventas da Lotería do Neno.
{flowplayer}images/salnes/VentasSorteoNeno_020113.flv{/flowplayer}
Despois de vender dous quintos premios do Gordo da Lotería de Nadal nos últimos tres anos, na Administración número 1 de Ribadumia agardan que a sorte lles volva a sorrir. O certo é que o sorteo do Neno, segundo as estadísticas, é máis sinxelo que toque. Aquí en Barrantes, agardan que a sona acadada nas últimas datas lles permita obter un repunte de ventas despois dun ano no que estas baixaron.
Para o Neno, os supersticiosos volven a confiar nos números de sempre. As terminacións en 7 ou 5 son as máis vendidas aínda que o 8 colleu forza despois do Nadal.
Na administración número 1 de Ribadumia agardan que non haxa dúas sen tres e que poidan seguir repartindo alegrías pola contorna.
Redacción Salnés
