RIBEIRA> Máis de medio centro de pequenos volveron encher a Biblioteca Municipal de Riveira cunha nova actividade dos Sábados de Libro. Nesta ocasión, a contacontos Marisa Irimia foi quen marabillou aos rapaces congregados co seu espectáculo “Contos de marmeleiro, anís e limón”. Ademais, a cita contou cuns convidados de excepción, como foron membros integrantes da asociación Ambar. A última actuación incluída nos Sábados de Libro, que promove a Concellería de Educación dentro da programación do Maio Cultural, será o día 31 ás 12 da mañá, co espectáculo ‘Contacontos de libros contentos’, a cargo de Carmen Domech. Coma sempre a entrada será libre e de balde.
Inicio Barbanza - Muros - Noia
