BOIRO> A Federación Española fixo xa público os emparellamentos dos dezaseisavos de final da Copa Federación. Nesta ronda o Club Deportivo Boiro, que se proclamou campión da fase autonómica deste torneo, terá coma rival ó Marino de Luanco. Ademais no sorteo realizado xa se fixaron os partidos. O encontro de ida será o 4 de decembro e o de volta terá lugar o día 18 dese mesmo mes. O conxunto boirense non o terá fácil, xa que se trata dun rival de superior categoría. Aínda así os asturianos non están pasando por bos momentos, xa que actualmente son solistas do grupo I de Segunda División B, con tan só catro puntos no seu casilleiro.
