Vilagarcía acollerá a primeira feira do deporte, ocio e aventura de Galicia

    VILAGARCÍA>

    Hoxe presentouse en Vilagarcía o primeiro salón do deporte, o ocio e a aventura de Galicia. O aumento da práctica deportiva na nosa comunidade, inspirou aos organizadores a realizar un evento destas características, nas que se derán cita ata 35 modalidades distintas.

     

    O recinto de Fexdega, en Vilagarcía, será o punto neurálxico do deporte, o ocio e a aventura entre o 15 e o 17 de maio, da man da primeira feira deste xénero que se celebra en toda Galicia. Segundo o alcalde, o amplo programa de actividades programadas, amosa que Vilagarcía é pioneira na organización de eventos, e o deporte un dos motores económicos da cidade.

    O evento inclúe zonas de exposición e venta de produtos, ademais de conferencias de distinta índole coma alimentación ou a participación de deportistas de elite.

    En total, o certame contará con ata 35 actividades distintas. A entrada ao recinto custará 3 euros ao día, sendo gratuíto para os menores de 14 anos. Tamén se pode comprar un bono de 6 euros para os tres días.

     

    Na rolda de prensa de presentación, a concelleira de Deportes de Vilagarcía, Helena Suárez, aproveitou para destacar o grande número de eventos que acollerá a cidade nos vindeiros meses.

     

    {flowplayer img=https://www.canalriasbaixas.com/images/ano2015/04abril/01/moving.jpg}https://www.canalriasbaixas.com/images/ano2015/04abril/01/moving.mp4{/flowplayer}