‘Alberto o bo’ amósase convencido de que nuns días será alcalde de Vilagarcía

VILAGARCÍA> En Vilagarcía os socialistas celebraron o sábado no Salón García o seu acto central de campaña. Un Alberto Varela coreado pola militancia afirmouse convencido de que ‘nuns poucos días’ será alcalde da cidade. Arroupado polo secretario xeral do PSdG, Xosé Ramón Gómez Besteiro, e boa parte da familia e da militancia socialista de Vilagarcía, Alberto Varela chegaba o sábado ó Salón García convencido de que ‘nuns poucos días’ será alcalde. ‘Alberto o bo’, como o definiu Besteiro en oposición ó ‘Alberto o malo’ (en Alusión ó presidente do PPdG Alberto Núñez Feijoo’, repasou durante a súa intervención algúns dos proxectos electorais que foi debullando en precampaña. Desde un novo centro de saúde na antiga comandancia da Mariña ata a reordenación do peirao do Ramal pasando por plans económicos baseados na ‘racionalización de recursos’, ‘non na austeridade’. Ante a ollada de figuras socialistas como Javier Gago, Modesto Pose ou Miro Serén, Varela declarouse cheo de enerxía ‘para axudar a construír o futuro de Vilagarcía’. {flowplayer img=https://www.canalriasbaixas.com/images/ano2015/05maio/18/varelamitincentral.jpg}https://www.canalriasbaixas.com/images/ano2015/05maio/18/MITIN_ALBERTO_VARELA.mp4{/flowplayer}