A firma barbanzá de moda D-Due tende pontes entre Galicia e Xapón

    RIANXO> A empresa textil D-Due, con sede en Rianxo, segue a traspasar fronteiras. Na actualidade, tenta abrirse camiño no mercado americano e consolidar a súa presenza no asiático. O presidente da multinacional HP France visitou as instalacións, acompañado do Conselleiro de Industria, para coñecer a súa nova colección. A aposta pola innovación no deseño, a calidade e a inspiración artesanal converteu á empresa de moda D-Due nun exemplo a seguir. Na actualidade, a firma asentada en Rianxo, exporta o setenta por cento da súa produción a mercados internacionais, con especial presenza no asiático. Precisamente, co obxectivo de reforzala, esta mañá recibía a visita do presidente de HP France, Takanao Muramatsu, interesado en coñecer a nova colección da firma e afondar, durante a súa visita, na cultura galega para promocionala en Japón. O presidente da multinacional estivo acompañado polo Conselleiro de Industria que destacou a necesidade de seguir tendendo pontes entre Galicia e Japón. A busca de novos mercados pon de manifesto unha crecente tendencia do sector téxtil galego cunha cada vez maior presenza internacional.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí