VILAGARCÍA> A próxima semana o alcalde de Vilagarcía, Alberto Varela, ten previsto entrevistarse co presidente de Portos de Galicia para avanzar no proxecto de acondicionamento da explanada situada fronte á praia do Preguntoiro en Vilaxoán. A proposta xa lla plantearan os veciños ó alcalde e á concelleira de Urbanismo o pasado mes de novembro, coincidindo cunha visita ás obras de rexeneración do areal acometidas por Costas. A intención do executivo local é urbanizar esta explanada, reordenando as zonas de aparcamento, incluíndo espazos verdes e de lecer así como aseos públicos. Servizos que complementarían á praia, dotada de Bandeira Azul.
