PORTO DO SON> Aqueles veciños que queiran participar nos concursos de disfraces, tanto no infantil como de adultos, xa poden realizar as inscricións na biblioteca municipal. Precisamente o concurso infantil no que se elixirán o rei e a raíña do entroido será o encargado de inaugurar o carnaval sonense. O luns día oito estará especialmente dedicado ós cativos cunha festa infantil con inchables, obradoiros e animación. O martes, festivo local, terá lugar o gran desfile de disfraces con grupos, individual e comparsas. Tras percorrer as principais rúas do casco urbano conclui´ra no pavillón Santa Irene onde terá lugar o concurso e a entrega de premios. O enterro do Felipe que terá lugar o mércores de cinza ás sete e media da tarde porá o broche de ouro a este completo programa co que nenos e maiores poderán disfrutar do carnaval.
Inicio Barbanza - Muros - Noia
