A sala de exposicións do Lustres Rivas estará pechada temporalmente

    RIBEIRA> As instalacións permanecen pechada ó público dende principios de mes debido a unha rotura dunha tubaxe do piso superior. A rotura dunha tubaxe de augas fecais no piso de arriba motivou o peche da sala de exposicións do Centro Cultural Lustres Rivas. Por este motivo, a mostra prevista para este mes de xaneiro, a cargo da artista de Palmeira Dolly Arias tivo que ser anulada. Á espera de que conclúan as peritaxes e a tramitación por parte das aseguradoras, dende o executivo confían en que a sala poida estar operativa a partir da próxima semana. No mes de febreiro, está prevista unha mostra sobre os sesenta anos de traxectoria da casa de fotógrafos Lesmes.