Máis voces que se pronuncian sobre a posibilidade de crear ou non un área comercial nos terreos de Megasa.
Agora son os autónomos vilagarciáns os que, mediante a organización Agtamar UPTA, aseguran que un centro comercial destruiría centos de empregos. A asociación pon acento en que dos dous mil autónomos que desenvolven a súa actividade na capital arousá, arredor do 800 fano no centro da cidade. O 80% dedícase ao comercio minorista téxtil, alimentario e hostaleiro e este veríase gravemente ameazado por un área coma esta. Calculan que só na praza de Abastos afectaría a 150 autónomos.
