VALGA> A candidata do PP por Pontevedra, Ana Pastor, visitou Valga para poñer en valor os importantes traballos arqueolóxicos que se están facendo no Mercado dos Mouros. Durante a súa visita a ministra en funcións estivo acompañada do alcalde da vila Bello Maneiro.
A ministra de Fomento en funcións e candidata do PP por Pontevedra ao Congreso, Ana Pastor, visitou esta mañá a vila de Valga. Alí estivo acompañada do alcalde da vila Bello Maneiro entre outros, e puxo en valor os importantes traballos arqueolóxicos que se están facendo no Mercado dos Mouros.
No xacemento comprobou de primeira man como avanzan os traballos e cales foron os avances, no que segundo as súas palabras é un dos máis importantes xacementos da provincia. Ademais recordou o convenio asinado co anterior presidente da Deputación de Pontevedra, Rafael Louzán, por un importe de algo máis de 3 millóns de euros, dos que o Ministerio de Fomento asume o 60%.
Este xacemento do Mercado dos Mouros é un dos 18 castro galaico romanos que se están a recuperar ao longo e ancho da provincia de Pontevedra.
{flowplayer img=https://www.canalriasbaixas.com/images/ano2016/06xunho/16/ministra_pastor_valga_600px.jpg}https://www.canalriasbaixas.com/images/ano2016/06xunho/16/ministra_pastor_valga.mp4{/flowplayer}
