Once traíñas competirán por facerse coa ‘Bandeira Concello da Pobra’

    POBRA> A dársena pobrense será escenario este próximo sábado da undécima edición da Bandeira Concello da Pobra do Caramiñal, enmarcada no calendario de regatas da Liga Galega de Traíñas A proba arrancará ás seis da tarde. A competición da Liga Galega de Traíñas A regresa este próximo sábado á comarca do Barbanza, coa disputa da undécima edición da Bandeira Concello da Pobra do Caramiñal. A cita está organizada polo Club Remo Puebla en colaboración co propio Concello e a Federación Galega de Remo e nela daranse cita un total de once clubs distribuídos en tres quendas. O club anfitrión, o Club Remo Puebla, que ocupa a segunda posición na clasificación xeral, confía en obter un bo resultado, sendo ademais un dos favoritos xunto a Samertolameu de facerse coa Bandeira. Dende o Concello destacaron a importancia desta regata, e da aposta que se fai dende o equipo de goberno polo fomento deste deporte tradicional. A cita arrancará ás seis da tarde coa primeira das quendas. En xogo uns nove mil euros que se repartirán entre tódolos clubs participantes en función da súa clasificación na regata.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí