VILAGARCIA> O PSdeG comezou este venres a súa precampaña en Vilagarcía. O socialistas, Xulio Torrado, nº 3 na lista do PSdeG por Pontevedra, estivo arroupado polo alcalde da vila, Alberto Varela, nunha comparecencia aos medios, na que se falou da actual política portuaria da vila.
O nº3 do PSdeG por Pontevedra, Xulio Torrado, estivo esta mañá no peirao do Ramal en Vilagarcía onde criticou a actual política portuaria, e falou da necesidade de mudar a presidencia do mesmo.
A falta de un mes para os comicios do vindeiro 25 de setembro, Torrado comezou a precampaña do partido na vila, abordando a xestión portuaria que está a marcar as relacións co goberno local. O alcalde, Alberto Varela, recoñeceu a importancia de que dentro da lista provincial haxa un representante da vila, que coñeza de primeira man as necesidades de Vilagarcía.
Torrado que estivo rodeado de coñecidos rostros socialistas de Vilagarcía, e mostrouse optimista ante a posibilidade de que o vindeiro 25 de setembro o novo presidente da Xunta de Galicia pertenza ao Partido Socialista de Galicia.
{flowplayer img=https://www.canalriasbaixas.com/images/ano2016/08agosto/26/torrado_varela_porto_600px.jpg}https://www.canalriasbaixas.com/images/ano2016/08agosto/26/torrado_varela_porto.mp4{/flowplayer}
