POBRA> Este luns remataron as festas máis antigas da comarca do Barbanza. Coincidindo sempre o terceiro domingo de setembro, e marcando o final do verano, a Pobra acolleu durante catro días a celebración do Nazareno. As rúas da vila enchéronse de visitantes, tanto da comarca, coma de fóra, para desfrutar dunhas festas nas que tradición, diversión e relixión converten a Pobra nun espazo no que luces, música, devoción e mesmo dor conviven durante catro días. O Nazareno arrancaba o venres co pregón, este ano, a cargo do Club de Remo da Pobra, tralo cal a música dos grupos locais Desalojo e Lülu, invadiu de rítmo a praza do Emigrante. Bandas de música, gaitas, verbena, exhibicións e actividades para os pequenos da casa foron a atracción que encheu de visitantes esta fin de semana a Pobra. Pero o día grande, sen dúbida, onte domingo. A procesión da Mortaxas congregou a milleiros de persoas que seguiron a comitiva do Divino Nazareno, e os seis cadaleitos que este ano participaron no acto, ofrecendo, sobre todo, ao máis cativos.
Inicio Barbanza - Muros - Noia
