Pontevedra> O Ganapán, do mercado de Pontevedra, foi seleccionado, polo Ministerio de Cultura, como proxecto – modelo para o III Encontro Cultural e Cidadanía. Un certame que destaca 30 proxectos de todo o país que traballan en proxectos inclusivos e innovadores. Pontevedra estará presente nesta cita que se celebrará o 28-29 de setembro en Madrid. O espazo infantil do Mercado de Abastos, O Ganapán, ven de ser seleccionado polo Ministerio de Cultura como proxecto modelo dentro do III Encontro de Cultura e Cidadanía, que se celebrará en Madrid os días 28-29 de setembro. A concelleira de Mercados participará no certame, que se celebrará no Matadoiro da capital española, expoñendo a filosofía, experiencia e liñas de actuación do Ganapán. A finalidade do encontro é destacar o labor de iniciativas culturais innovadoras e inclusivas. Nesta terceira edición do certame, que ten como lema “Acceso , acción” o Ministerio seleccionou un total de 30 proxectos das 200 propostas que se presentaron en todo o estado.
Inicio PONTEVEDRA
