Medio Ambiente aportará o 35% do financiamento da Vía Verde do Salnés

    CALDAS DE REIS> A consellería de Medio Ambiente aportará o 35 por cento do financiamento para o proxecto da Vía Verde do Salnés. Foi o compromiso que adquiriu a conselleira Beatriz Mato na reunión que mantivo antonte cos alcaldes dos tres concellos polos que pasa o camiño, Caldas, Portas e Vilagarcía. O anuncio fixérono os tres rexedores esta mañá desde o consistorio caldense. A vía verde do Salnés está máis preto de ser unha realidade. Antonte, trala reunión mantida coa consellería de Medio Ambiente, Beatriz Mato comprometeuse a aportar o 35 por cento do financiamento do proxecto desta vía que percorrerá os concellos de Caldas, Portas e Vilagarcía. Tal e como explicaron esta mañá no consistorio caldense os tres mandatarios. Por iso os concellos teñen solicitadas xa reunións co Ministerio, e coa Deputación de Pontevedra, que xa se comprometeu a aportar no proxecto, pero quedar por ver a contía. O obxectivo é que os municipios teñan que aportar un máximo do 30 por cento do financiamento total, que son 535.000 euros. O proxecto é xa imparable. Ese 35 por cento que aportará Medio Ambiente está previsto que se faga con Fondos Europeos. A Vía verde do salnés será a primeira que está proxectada en toda Galicia e percorrerá unha senda de 9.195 metros. Os alcaldes destacaron tamén esta mañá o positivo impacto económico que terá sobre os tres concellos, actuando como un mecanismo dinamizador.