BARBANZA> Mentres o percebe ou a cigala xa están polas nubes, outros como a centola ou as nécoras mantéñense aínda estables. Como cada ano por estas datas toca falar de suba de prezos. Aínda que desta volta o encarecemento non se está a notar tanto no marisco coma no peixe. Especies que adoitan ser económicas, como a pescada, chegaron ata os dezaoito euros situándose ó mesmo nivel que algúns mariscos. Pola contra, algunhas especies de marisco como a nécora ou a centola non experimentaron aínda subas desorbitadas. Non así, o percebe ou o camarón, quen queira consumilos neste Nadal terá que rascar o peto. Con estes prezos, non é de extranar que moitos compradores foran previsores e xa teñan os conxeladores cheos das viandas que van a cear en Noiteboa. Outros prefiren comelo frecos pero arríscanse ou a que non haxa ou a que estea moi caro. Pero sempre queda a opción do conxelado, con prezos que se manteñen todo o ano, onde a estrela segue a ser o langostino.
Inicio BARBANZA
