RIBEIRA> Suministros Navales Santa Uxía e a cafetería Botter resultaron gañadores do concurso de escaparatismo de Nadal de Ribeira, en comercio e hostalería.
Foron os propios clientes os que decidiron os premiados cos seus votos. Na categoría de comercio resultou gañador o establecemento Suministros Navales Santa Uxía pola súa orixinalidade e deseño non só no escaparate de Nadal senón durante todo o ano. Os propietarios recolleron o galardón con gran satisfacción, nun ano especialmente sinalado para o seu negocio que cumpre vinte e cinco anos.
No sector da hostalería, a cafetería Botter alzouse co triunfo pola decoración do local con motivos navideños. O alcalde destacou precisamente as distintas ambientacións da cafetería en cada época do ano.
