BOIRO> O PP de Boiro denuncia o mal estado en que se atopa o sendeiro entre o Río Breiro e Berres. A falla de mantemento provocou que a maleza invada parte do camiño dificultando o tránsito.
A proliferación de maleza nas marxes do sendeiro que conecta o Río Breiro con Berres, en Boiro, fixo que acabase por invadir o camiño dificultando o tránsito peonil e dos numerosos ciclistas que utilizan esta vía. O PP de Boiro atribúe o mal estado á falla de mantemento deste camiño que foi inaugurado o pasado inverno.
Denuncian os populares que non é un caso illado senón que moitas vías do municipio se atopan en mal estado supoñendo un risco para a seguridade viaria. Piden ó concello que asuma as tarefas de mantemento da rede viaria.
