RIBEIRA> Segundo os nacionalistas a concelleira de Servizos Sociais e Igualdade fixo unhas declaración públicas intolerables en prol da igualdade feminista o día Internacional da Muller traballadora ó igualar o maltrato machista co feminista. O BNG de Ribeira considera intolerábeis as verbas ca concelleira de servizos sociais e igualdade do Concello de Ribeira, Esther Patiño, fixo no día da muller traballadora. A edil pedíu “salarios igualitarios para traballos equitativos e que se termine o maltrato tanto machista como feminista”. E estas declaracións, segundo o BNG, “demostran unha evidente falta de coñecemento dos fundamentos da loita feminista. O feminismo non é hembrismo, e as agresións machistas que sofren as mulleres galegas en todos os ámbitos da súa vida están moi lonxe, tanto cualitativa como cuantitativamente, das que sofren os homes”. Ademais, para o BNG, “situar as problemáticas das mulleres ao mesmo nivel que as dos homes, especialmente nun día com é o 8 de marzo e tratándose da concelleira de igualdade, implica unha moiu baixa sensibilidade coas violencias que sofren as veciñas de Ribeira”.Por isto, para o BNG, a concelleira responsábel de igualdade debe rectificar e pedir desculpas ás veciñas e veciños. E, se non rectifica, debería dimitir.
