NOIA> Concluídos os traballos de demolición do antigo museo do mar de Noia, a Dirección Xeral de Patrimonio deberá realizar novas catas para descartar a existencia de máis restos arquolóxicos. Cómpre recordar que a aparición dun treito da muralla medieval nos baixos da edificación provocou unha importante demora de preto dun ano ó tempo que unha modificación do proxecto. Os traballos de demolición desenvolvéronse extremando as precaucións para non danar os vestixios de gran valor arqueolóxico. A planta baixa destinarase á centro de interpretación destes restos, que será expostos edebidamente conservados, o que suporá un atractivo máis do novo museo. As plantas superiores albergarán parte da inxente colección do museo do mar que ata o de agora non podía estar exposta debido á falla de espazo. O resto dos fondos poderán ter saída a través de exposicións puntuais, talleres ou mesmo medios de consulta interactivos dispoñibles no propio museo. A previsión do executivo é que o novo museo poida estar operativo a principios do próximo ano.
Inicio NOIA
