BOIRO> Entre o dezaseis e o vinte de maio celebrarase en Arousa Norte o Campionato de España Intantil Masculino de Voleibol. Un total de 24 equipos disputarán ó redor de noventa partidos que se desenvolverán nos concellos de Ribeira, Pobra, Rianxo e Boiro onde terá lugar a final. Ademais da importancia deportiva deste evento onde se dará cita a elite da base deste deporte, destaca a súa importancia como dinamizador turístico posto que se prevé que poida achegar ata a comarca a uns oitocentos visitantes. Polo momento aínda non está elaborado o calendario da competición. Haberá que agardar a que se celebran os campionatos galegos feminino e masculino previstos para o 21 e 22 de abril en Boiro. De aí, sairán os representantes na competición nacional.
Inicio BARBANZA
