RIBEIRA> O primeiro andar do auditorio municipal acolle os expositores dos distintos centros educativos do municipio que participan na Feira da Educación, un punto de encontro de todo o tecido educativo onde intercambiar e poñer en común experiencias ó tempo que dan a coñecer o seu labor. Así o destacou o Conselleiro de Educación no acto inaugural destacando a implicación de toda a comunidade educativa. Ademais dos traballos expostos, a feira acollerá máis de sesenta actividades ata o domingo. Espectáculos, exhibicións, obradoiros e todo tipo de iniciativas dirixidas non só a escolares senón ó público en xeral. Con esta xa son cinco as feiras que se celebraron en Ribeira, cada ano con máis actividades e participantes.
