Pontevedra> Moita festa haberá neste verán en Pontevedra. Nesta xornada a concelleira desta área presentou todas as actividades que a Boa Vila acollerá ao longos dos tres vindeiros meses. Rosendo, Bunbury, Antonio José, Sidecars e Mocedades serán algunhas das citas musicais da que poderemos desfrutar, de balde, nas Festas da Peregrina deste ano.
Actividades para todos os gustos, cores e idades terán lugar en Pontevedra ao longo deste verán. A concelleira de Festas presentou nesta xornada toda a programación que nos queda por diante na Boa Vila dende medidos de xuño ata medidos de setembro.
Por enumerar a música de bandas chegará dende finais de xuño ata finais de agosto, o Ciclo de Cinema na lúa do 3 ao 7 de xullo, o I Festival de Cámara Cidade de Pontevedra terá ligar os días 2 e 9 de xullo.
As actividades de Cultura no Camiño chegarán do 9 ao 14 de xullo, o Festival Internacional de Jazz do 16 ao 21 de xullo, Os Bolos do Local o luns 23 e martes 24 de xullo, Paseantes os días 27 e 28 de xullo, Animantrón do 31 de xullo ao 3 de agosto, Itineranta do 7 ao 9 de agosto, Aquí Cántase o venres 10 de agosto unha cita que dará comezo ás Festas da Peregrina que neste ano achegarán concertos como os de Rosendo o 11 de agosto, o de SonDeSeu o luns 13, Bunbury o mércores 15, Antonio José o xoves 16, Sidecars o sábado 18 ou Mocedades que actuarán coa Banda de Música de Salcedo o domingo 19. Tralas festas da Peregrina chegará a festa do Demo o 23 de agosto e como colofón final a Feira Franca os días 31 de agosto e 1 de setembro, aínda que este ano , como dixo a concelleira de Festas, ao mellor hai sorpresa de última hora e as festas na cidade se alongan un pouquechiño máis.
