POBRA> Esta fin de semana desenvolverase na Pobra a duodecima edición do Congreso sobre implantes dentais. Destacados expertos a nivel internacional darán conta das últimas innovacións no eido da implantoloxía. Tres destacados profesionais da odontoloxía compoñen o cartel deste duodecimo congreso que volverá reunir na Pobra a máis dun cento de asistentes interesados en coñecer as últimas novidades na implatoloxía dental. Abrirá o programa o doutor Denis Cecchinato, da Universidade de Padua que abordará a colocación de implantes inmediatos trala extración, Seguiralle o doutor Guillermo Galván cunha charla sobre o fluxo dixital e control funcinal nas próteses. A última da sintervencións correrá a cargo de José Manuel redondo que disertará sobre o deseño de compoñentes restauradores para o mantemento do complexo periimplantario. Previamente a estas ponencias que terán lugar no auditorio do museo Valle- Inclán o sábado pola mañá, desenvolverase o venres pola tarde un taller teórico práctico impartido por Denis Cecchinato. Un ano máis, o seminario está patrocinado pola multinacional Dentsply Sirona, en colaboración coa clínica Doctor Gonzalo López e Inibsa Dental.
Inicio BARBANZA
