O BNG da Pobra demanda medidas de seguridade no parque de Venecia

POBRA> O BNG da Pobra demanda máis medidas de seguridade no parque infantil de Venecia. Ademais do balado da zona de xogos piden que se retiren os bordos de formigón que poden supoñer un risco para os pequenos. Os nacionalistas fixéronse eco das queixas dalgúns pais a través da moción que veñen de presentar. Demandan máis seguridade no parque de Venecia con medidas como, por exemplo, o peche perimetral da zona de xogos por atoparse moi próximo á calzada. Solicitan tamén que se eliminen os bordillos de formigón que rodean o parque por supoñer un risco para os nenos, ademais de limitar o espazo destinado ó xogo. Estas demandas foron recollidas nunha moción que se debatirá no pleno do próximo martes.