O concello da Pobra estrea sinalética no entorno do río Pedras

POBRA> Cos novos paneis pretenden alertar ós visitantes dos perigos cos que se poden atopar neste enclave natural, tratando na medida do posible evitar os accidentes que con certa asiduidade se producen na zona, a consecuencia das caídas de turistas. O entorno das piscinas naturais do río Pedras, na zona de Aldea Vella, é un espazo singular ó que cada ano acoden centos de veciños e turistas a visitalo. O incremento do número de visitas,  aumentou considerablemente tamén o número de accidentes na zona, na maioría dos deles por caídas e esvaramentos. Son principalmente por descoñecemento dos perigos que poden existir, na súa maior parte por imprudencias que en moitos casos acaban cun resultado tráxico. Accidentes que agora, coa nova nova sinalización para a zona se pretenden evitar. Xa de cara o próximo verán, o executivo agarda poder dispoñer dun número maior de socorristas, o que lle permitiría poder destinar persoal a esta zona.