A POBRA> A Pobra despediu o Carmen dos Pincheiros cunha xornada festiva marcada pola calor. Durante toda a fin de semana desenvolvéronse numerosos actos lúdicos e relixiosos como a procesión na honra da patroa dos mariñeiros.
A Pobra volveu render homenaxe á patroa do Mar coa celebración das Festas do Carme dos Pincheiros. Como cada ano, un dos actos que máis afluencia de participantes rexistrou foi a procesión do domingo.
A imaxe, portada polos costaleiros da confraría do Santo Cirsto, partiu da igrexa do Caramiñal escoltada polas bandas de música da Brilat, de Catoira, e da escola de danza das amas de casa así como os xigantes e cabezudos tan característicos nestas celebracións.
Tras percorrer as principais rúas do centro da Pobra, a comitiva dirixiuse ata o porto para realizar a tradicional ofrenda floral co lanzamento de coroas de flores en lembranza dos mariñeiros falecidos no mar. Correu a cargo da confraría de pescadores da localidade.
