RIBEIRA> Ribeira acollerá esta fin de semana a decimo oitava edición do Certame de Taekwondo Cidade de Ribeira. Máis de setecentos deportistas, procedentes de diversos puntos de España e Portugal, participarán nesta cita de referencia para a elite do taekwondo. O certame dará comezo o sábado coa categoría de combate mentres que o domingo resérvase para a técnica. Durante o acto de presentación do certame o alcalde anunciou tamén a posta en marcha das escolas deportivas para adultos a partir deste mes. A colaboración entre o concello e o club Natural Sport permitiu ampliar o número de modalidades ofertadas a prezos públicos. Destaca a creación dunha escola de taekwondo dirixida a persoas con diversidade funcional dirixida polo laureado deportista Álex Vidal.
Inicio BARBANZA
