Ribeira celebrará o seu tradicional xantar dos maiores o dous de decembro

RIBEIRA> O concello de Ribeira celebrará a xuntanza do maior o domingo dous de decembro. Os interesados en asistir poden reservar as súas entradas a partir do próximo luns na casa do concello. O prezo do prato é de dezaseis euros.

Un ano máis, a xuntanza dos maiores de Ribeira volverá reunir a preto de mil asistentes no pavillón da Fieteira onde terá lugar o xantar de confraternidade. Previamente terá lugar unha misa na igrexa parroquial. Ó seu remate partirán autobuses dende a estación para desprazar ós comensais ata o polideportivo. O prezo do menú, servizo por Chicolino, é de dezaseis euros. Comporase de dous mariscos, peixe, carne e postre. Tralo xantar, e antes do baile, procederase ó sorteo de numerosos agasallos doados por empresas locais. 

A partir do próximo luns día dezanove xa se poderán adquirir as entradas no servizo de tesourería do concello.