PONTEVEDRA> David Amor será o padriño deste ano da Gran Recollida Solidaria do Banco de Alimentos. O actor e humorista, natural de Salceda de Caselas, anima a facerse voluntario para esta campaña que axudará a combater o desabastecemento dos almacéns da ONG.
David Amor é o encargado de apadriñar a iniciativa organizada coma tódolos anos polo Banco de Alimentos para conseguir encher os almacéns e poder atender as demandas de axuda polo menos ata a primavera.
A organización precisa duns 500 voluntarios para a área de Pontevedra e 2.000 para toda a provincia.
A Gran Recollida Solidaria terá lugar os días 30 de novembro e 1 de decembro en 155 superficies comerciais da provincia. O Banco de Alimentos axuda a 5.000 persoas no entorno de Pontevedra e 25.000 en toda a provincia a través de entidades benéficas.
O actor asume a responsabilidade de atraer a voluntarios e acadar unha boa cifra de doazóns.
Coma reto márcase superar a cifra do ano pasado, no que se recolleron 325.000 quilos.
David Amor, que participará coma voluntario durante a primeira xornada da campaña, animou a botar unha man.
Para facerse voluntario hai que encher un formulario na web www.bancoalimentosvigo.org ou chamar ó teléfono 986 865 301.
