PONTEVEDRA> O concello instalará catro novos centros de compostaxe comunitarios na cidade. A construción dos composteiros comezará mañá na Parda, Ponte Boleira e Camiño de Ferro.
Pontevedra contará con catro novos centros de compostaxe comunitario, que se sumarán ós 13 xa operativos na cidade. Unha vez resolta a contratación dos mestres composteiros, xa se estaba en disposición de aumentar o número de instalacións.
Estarán na rúa dos Soutos, en Pintor Laxeiro, en Ponte Boleira e na rúa Camiño de Ferro.
Os novos composteiros, cos que se dará servizo a 1.200 persoas, pretenden aliviar a sobreaportación nos actuais centros de compostaxe.
Actualmente trátanse na cidade unhas 184 toneladas de biorresiduos domésticos.
A instalación comezará mañá e cóntase con que estean operativos a finais de decembro ou principios de xaneiro.
