BOIRO> A asociación AMICOS vén de presentar o seu calendario solidario para o 2019. Os fondos recadados irán destinadas á creación de bolsas de axuda para persoas con discapacidade.
Por sexto ano consecutivo, AMICOS volveu editar o seu calendario solidario. Os usuarios da entidade posaron como auténticos profesionais ante o obxectivo de Lesmes Fotógrafos para recrear distintos oficios.
Na iniciativa colaboran diversas empresas e entidades como o Club de Kempo Barbanza protagonista do mes de marzo. Ademais desta colaboración puntual no calendario, o club traballa durante todo o ano con AMICOS a través de clases de psicomotricidade e iniciación ó kempo.
