RIANXO> A abundancia de volandeira e a baixada da demanda por parte das fábricas obrigou á flota do bou de vara a rebaixar os topes desta especie. Pasaron de cincuenta a trinta ou vinte quilos por día, para dar cobertura ó mercado de fresco.
A actual campaña do bou de vara caracterízase pola abundancia de volandeira. A gran presenza de recurso sumada à baixada da demanda tralo Nadal motivou que a flota do bou de vara acordara rebaixar os topes.
Agardan que de cara a próxima semana, as fábricas retomen a actividade dando saída á gran cantidade de bivalvo. O obxectivo é non baixar do prezo mínimo establecido, de dous euros, tanto en Rianxo como en Cambados.
A abundancia de volandeira contrasta coa escasa presenza doutros recursos que traballa a flota do bou con capturas case testemuñais, a excepción do choco.